تاريخ طرح مهرجان عوده ملك القصص ( كانسر الحب الجزء الثاني )
١٩ ديسمبر ٢٠٢٤
كلمات مهرجان عوده ملك القصص ( كانسر الحب الجزء الثاني ) 2024
انا مش عارف مين مع مين
ولا الدنيا دي رايحة لفين
م اللى انا شوفتو عذاب بيموت
للدرجه دي بيقنا شياطين
انا هحكي لكم كل حكايتى
اللي حصلي مكانش بيدي
انا واحد كان صافي النيه
كنت بشوف الدنيا دي وردي
شوفت الحلوة ام عيون خضرة
خطفت قلبي ف اول مره
واتعرفت بسرعة عليها
وقعدنا بنتكلم فترة
بس انا حالي كان ع قدي
واعمل ايه ده مكنش بيدي
بس انا عايش راضي بحالي
وبقول عادي مسيرها تعدي
هيا قالتلي انها عايزاني
ومفيش مانع تستناني
ماللي مابينا ده حب كبير
طيب انا هحتاج ايه تاني
ربك كان عالم بالحال
رزق وجاني شوية مال
اصل طلعلي نصيب ف الورث
فرجت بعد الصبر ما طال
خدت قرار اني هروح ليها
واعرفها اني شريها
واطلب منها اننا نتجوز
هي الدنيا وكل ما فيها
لما وصلت لقيتها بتبكي
كل دموعها دي نزلة ف قلبي
لما سالت قالتلي هموت
انا عيانة في كانسر عندي
قولت لنفسي لا يمكن اسيبها
لاخر قرش ف جيبي هعالجها
ودعيت ربي ياخد بايدها
اغلي ماليا يارب ساعدها
وبعد ماراح كل اللي معايا
خفت وده كان ليا كفايا
طظ ف كل كنوز الدنيا
انا مبسوط انها ويايا
وبقيت بشقي ف شغل يوماتي
واجي ع نفسي وبقول عادي
غصبنا عني معاها بقصر
ما انا مسحول على طول مش فاضي
عدت فتره وحالها اتغير
قولت اكيد معذورة مش اكتر
دي متقدرش تعيش من غيري
متوقعتش ايه اللي هيحصل
جاني مكالمة ف يوم من واحد
قالي حبيببتك منك رااحت
اصل الليله خلاص خطوبتها
ومن الصدمه اعصابي سابت
روحت بسرعة ماسك تيلفوني
هونت عليكي ازاي بتخوني
ردت قالت كله نصيب
ردها قاسي وبكا عيوني
ده انا حبيتك حب خياالي
قلبي اهو ضاع وادمر حالي
انا ضحيت بالغالي عشانك
وانتي خلاص بسهولة بيعاني
لازم ارد الجرح ب ١٠٠
وقتك يجي استني عليا
بكره تشوفي مين اللي هيكسب
مانتي طلعتي خلاص موذية
روحت فرحها وكنت انا هادي
رايح ابارك ليها وعادي
لما شافتني بقت مصدومة
هاخد اللقطة انا المره دي
لما عريسها لمحني وشافني
جه بالحضن قوام وخدني
وانا سلمتو جواب كان ليها
يلا بينا ياصاحبي هنمشي
فتحت تقرا جوابي مصدومة
بصي يا حلوة في كام معلومة
انا مثلت عليكي الفقر
بس انا غني و فلوسي بالكومة
حتي عريسك شغاال عندي
وفي شركتي وبيقبض مني
وانا ذقيتو عليكي يا حلوة
كان امتحان بس انتي سقطتي
انتي اختارتي المال انانية
حتي مكنتيش باقية عليا
انا اكسب وانتي الخسراانه
مبقاش ليكي اي اهمية
فضلت تبكي ف عينها الحسرة
من كتر الصدمة خلاص مش قادرة
قالت لازم اموت نفسي
ماتت في حادثة اليمة ومرة
لازم تاخد عبره لنفسك
اوعي تبيع اللي وقف جنبك
تبت فيه بايدك واسنانك
ومتخسرش واحد بيحبك
مش بالسهل تلقي اصيل
يجي ف الهم معاك ويشيل
احنا في دنيا دايرة مصالح
والجدعنة ملهاش تقدير
مهرجان عوده ملك القصص ( كانسر الحب الجزء الثاني ) ابوالشوق 2024 بالكلمات مكتوبة كاملة من كلمات حماقي المكسيكي وتوزيع ماجيك تم طرح مهرجان عوده ملك القصص ( كانسر الحب الجزء الثاني ) على القناة الرسمية على اليوتيوب بتاريخ ١٩ ديسمبر ٢٠٢٤ كوبليه كلمات مهرجان
- كلمات : حماقي المكسيكي
- توزيع : ماجيك
شاهد واستمع الكليب الرسمي لمهرجان عوده ملك القصص ( كانسر الحب الجزء الثاني ) 2024 مع الكلمات مكتوبة كاملة
