كلمات مهرجان فتحت قلبي ليهم 2023

(فتحت قلبي ليهم فتحوا لي التابوت (التابوت

(أنا عيشت ياما بينهم كل يوم بموت (بموت

بقيت إنسان ممل أستني اليوم يفوت

أنا عايش مكبوت أنا مش مبسوط

فارد جناحي مع إن جناحي مكسور

أنا عمري روحت ليهم ورجعت مجبور

بقيت بعدي عادي وبمشي الأمور

أنا خايف أثور أنا قلبي مقبوض

قالوا اتغيرت قالوا إني بقيت كئيب

بقى لك فترة ساكت ده إنت بقيت غريب

لو عرفوا إيه اللي فيّ وإيه اللي بمر بيه

كانوا هيرعوني بجد ساعتها في شدتي

أنا عايش لوحدي من زمان أصحاب مافيش

ماليش حد يوسيني وبردو ماليش حبيب

عشان إنسان بسيط بقيت بخاف أعيش

بقيت أبص لنفسي أشوف إنسان مخيف

(دخلت أصلي ركعتين لله وأقوم (لله وأقوم

سجدت سجدة غسلتني من الهموم

قاعد بحكي حكايتي لعلام الغيوب

بعت لي الحل وقتي كبير رب القلوب

وأنا قربت وحدة، وحدة أصلي ساعات وأصوم

صحيح ساعات بقطع بس بقول ظروف

ربك كريم يا صاحبي بيغفر الذنوب

من بعد وقعة جامدة أهو خلاني أقوم وأنا

رجعت لي روحي ورد فيّ اللي اتأذى

من دنيا ظالمة وخذت للهم عزا

من يوم ما قربت وأنا عايش ع الأمل

أرجع لربي زي ما جيت أنا

نصيحة خذها من واحد غرقان ذنوب

مافيش واحد ع الأرض نضيف ما فهوش عيوب

بس إنت قرب وارضي بردو أمك وأبوك

هتشوف تغيير كبير طب قوم اتوضي قوم